2020-10-17 03:18:14
責編丨曉妍
演唱會可以話係歌手同歌迷之間嘅音樂狂歡，亦係一場通過音樂近距離交流嘅機會。今日小編特意搜羅到近期演唱會嘅資訊，供你選擇！
側田 Chapter Free 演唱會2018佛山站
演出時間：2018年4月14日
演出地點：嶺南明珠體育館主館
出生音樂世家嘅侧田可寫，可唱，可製作，係具有音樂才華嘅唱作人。佢嘅情歌深入人心，被譽為張學友嘅接班人。如今嘅佢經過沉澱，更加沉穩、淡然，歌聲中有咗更多屬於佢自己嘅故事。
呢場演唱會對側田嚟讲係一個全新嘅開始，佢將用迷人嘅聲音同音樂作品帶歌迷朋友進入自由嘅音樂章節！
譚詠麟銀河歲月40載巡迴演唱會2018湛江站
演出時間：2018年5月5日
演出地點：湛江奧體中心體育館
譚詠麟發行嘅專輯超過130張，創作嘅詞曲超過100首，佢開創咗香港歌壇最輝煌嘅時期。
呢場演唱會係為咗紀念自己出道40周年而舉行，以"春夏秋冬"四季為主題。春，初入樂壇，青蔥溫暖；夏，激情歲月，詮釋追夢赤子心；秋，與樂共舞，見證歲月榮光；冬，漫漫人生路，不說再見。
頂級音響配置，重金超炫舞臺，華麗吸睛嘅服裝，扣人心弦嘅節奏。最重要嘅係，呢場演唱會長達三個鐘頭！相信歌迷朋友一定會聽得過癮！
羅志祥瘋狂世界巡迴演唱會2018深圳站
演出時間：2018年4月28日
演出地點：深圳灣體育中心
唱跳俱佳，多棲發展，擁有與生俱來嘅演繹天賦，獲獎無數卻始終如一，呢個就係有著亞洲全方位流行歌手之稱嘅羅志祥！
2018年，羅志祥重啟“瘋狂世界“”演唱會，複刻初心，重現經典。呢次佢親自上陣擔任演唱會副導演、跳舞總監、音樂總監同創意總監數職，只為歌迷帶嚟耳目一新嘅表演！值得期待！
林俊傑2018 “聖所”巡迴演唱會深圳站
演出時間：2018年4月21日
演出地點：深圳灣體育中心
從2003年發行首張創作專輯《樂行者》，到依家已經15年過去啦，林俊傑從未改變，一如既往嘅專注做音樂。
呢次“聖所”演唱會，請到吳慶隆擔任音樂總監，將出道 至今嘅經典歌曲重新編曲，呈獻俾所有歌迷朋友。有著“行走嘅CD”之稱嘅林俊傑，勢必令你聽得過癮！
隔壁團2018《想你》中國巡演深圳站
演出時間：2018年4月13日
演出地點：深圳B10現場
隔壁團樂隊係索尼旗下嘅搖滾樂團，喺發行首張專輯時，做客過我哋嘅《華夏原創金曲榜》節目，佢哋用獨特嘅方式向歌迷演繹著關於青春、文化、音樂、生活、態度。
呢次嘅演唱會依然會唱響之前嘅代表作：《路》、《我要喝啤酒》、《夏天海邊》、《這世界只有你明白我》等歌曲，用音樂代替語言，傳遞年輕而富有激情嘅正能量！
-END-