陈奕迅、梁汉文、周柏豪,除咗歌手,佢哋仲系……

金句王

点击上方 ↑↑ 即可关注「k-party」

除咗都系香港流行音乐男歌手外， 就系佢哋都有一个身份，一样被大众低估及遗忘——就系作曲家嘅身份喇。

先讲小编无咁戥佢唔抵嘅陈奕迅。

早年作比自己唱嘅，例如有《新生活》、《反高潮》，中段有《怪物》，作比其他歌手嘅有《改造人》、《萧邦写过的歌》、《PG家长指引》，都好听。

                                                                                                                                                                                                                            反高潮                         陈奕迅 - DUO 陈奕迅2010演唱会                                                                                        

近返少少嘅，例如《沙龙》，好听啦挂，系陈奕迅自己作曲嘅。 

                                                                                                                                                                                                                            沙龙                         陈奕迅 - H3M                                                                                        

另外好多人钟意嘅一啲歌，有啲亦都系佢同人合作一齐写嘅，例如《粤语残片》（C.Y. Kong合写）、《落花流水》（Eric Kwok合写）、《习惯说》（Eric Kwok合写）。

                                                                                                                                                                                                                            落花流水                         陈奕迅 - Life Continues…                                                                                        

最新最新，就有作比杨千嬅嘅《刚刚好》。以歌手身份来计，产量算不过不失，质素亦都好好，但基于Eason喺华语乐坛歌神嘅身份，演绎作品能力嘅赞誉太巨大，反为无乜人记得，佢都系一个作曲家。

咁点解会话比较无咁戥佢唔抵呢？因为导致大众忽略陈奕迅嘅作曲才华，系基于佢演唱嘅才华之巨大，起码系另外一种实力。

再睇吓梁汉文，初出道唱《缠绵游戏》、《不愿一个人》，一副官仔骨骨，又带点病态秀气嘅形象。

                                                                                                                                                                                                                            缠绵游戏                         梁汉文 - Edmond Hits 48                                                                                        

之后歌唱事业路上，总系时而火红又好快时而沉寂，话佢系超级靓仔又有份佬味，话佢系实力歌手又未到顶峰，话佢系唱作人音乐人又太靓仔。但其实佢写嘅音乐，绝对见得人有余。

梁汉文作比自己加上作俾人嘅流行曲，大大话话都有20首，连同与其他人合作嘅会多大约多十首。自己唱嘅，最出名嘅应该系《重新做人》，当年火热得紧要。之后《罗曼蒂克》、《失魂落魄》，分别同于逸尧及Eric Kwok合写。

                                                                                                                                                                                                                            重新做人                         许志安 - 拉阔音乐会                                                                                        

另外，评价唔错嘅，自己都独力写过一首《最悲哀的事》。小编都几钟意嘅一首，却反为系佢作俾许志安嘅《我怕我会爱上你》。组Big Four开show揾真银，是之后的事了。

                                                                                                                                                                                                                            我怕我会爱上你                         许志安 - 烂泥（正东10x10十大唱片）                                                                                        

再讲周柏豪，虽则喺乐坛颁奖礼，有攞过几个唱作人大奖，但系平日就无咩人记得起佢作曲、作词、编曲甚至监制嘅工作。

喺陈光荣音乐工作室出新嘅周柏豪，对于制作音乐有一定嘅认识。但作为一个花肖男子，再加上网络上戏谑佢嘅大文豪形象，令好多人低估左佢音乐方面嘅才华。出道至今作曲作品有三十多首，有D更兼编曲监制。

连诗雅成名作《到此为止》，够红够hit啦挂，Dear Jane都翻唱唱到街知巷闻。作曲就系来自周柏豪嘅手笔。

                                                                                                                                                                                                                            到此为止                         连诗雅 - Movin' On ／ 好好过                                                                                        

作比容祖儿嘅《天窗》，亦都不过不失。跟手仲有一大堆，更有自己作比自己嘅好作品。例如出道嘅《傻小子》，之后嘅大热作品《我不要被你记住》、《我的宣言》、《只有一事不成全你》、《无力挽回》、《我的宣言》、《传闻》、《小白》⋯⋯统统都好听之余，喺里面你会揾到一种周柏豪形式嘅曲风。呢样当然有辣有唔辣，你可以话作来作去都系差唔多感觉，但例如音乐才华高几班嘅周杰伦，作嘅歌，咪又系咁多年来都非常周杰伦？

                                                                                                                                                                                                                            我不要被你记住                         周柏豪 - Remembrance                                                                                        

今日特别拎出来讲，系因为呢班唱作人，明明可以挠埋双手，将音乐创作工作假手于人都完全无问题。但系佢哋就算无唱作人嘅光环，都仍然默默地坚持创作。如果无人讲无人睇，会令到佢哋有一日唔再作歌嘅话，我会唔舍得一啲仲未诞生、出现喺未来，但系同佢哋嘅旧作一样咁好，嘅作品。

正如我唔舍得呢个世界无咗《沙龙》、《新生活》、《反高潮》、《改造人》、《我怕我会爱上你》、《重新做人》、《只有一事不成全你》、《无力还回》、《到此为止》、《小白》，等等等等嘅歌。

3位唱作人，请加油继续写好歌！

睇K-PARTY！
每日发布第一手开心嘢！
粤语 | 爆笑 | 搞嘢 | 吹水 | 抵死 | 顶瘾

欢迎搭讪 投稿都啱 合作更赞 小编微信: TOM

点击“阅读点赞”跟我一起越变越美