2022-05-12 04:35:21
གསལ་འདེབས
ས་གནས་རང་རང་གི་མིས་རང་གི་ས་གནས་ཀྱི་ཁོར་ཡུག་སྲུང་སྐྱོབ་དང་། གཙང་སྦྲ་བྱེད་རྒྱུ་ནི་ས་གནས་ཀྱི་མི་བུ་ཞིག་ཡིན་ནས་བཟུང་ཏེ་འགན་ཡོད་པ་ཞིག་ཡིན་པས། རང་རང་གིས་རང་ས་ནས་སྲུང་སྐྱོབ་དང་། གད་སྙིག་གང་བྱུང་དུ་མི་གཡུགས་པར་གཙང་སྦྲ་བྱེད་རྒྱུ་ནི་ཤིན་ཏུ་གལ་ཆེན་པོ་རེད། སུ་ཞིག་གིས་སྣེ་ཁྲིད་ཏེ་ཁོར་ཡུག་སྲུང་སྐྱོབ་དང་། གད་སྙིགས་གཙང་སེལ་བྱེད་པའི་ལས་འགུལ་སྤེལ་བ་ཡིན་ན་དེ་ནི་རང་རང་གི་འགན་བབ་ལགས་སྟར་དང་། ས་གནས་ཀྱི་མི་བུར་བསྐུལ་འདེད་བྱས་པ་ཙམ་ཞིག་ལས། ས་གནས་ཁོར་སྲུང་དང་། གཙང་སྦྲའི་ཡོད་ཚད་ཀྱི་འགན་གླ་བླངས་སྡད་མེད་པས། མཐའ་གཅིག་ཏུ་ཁག་གཅིག་གད་སྙིགས་གཏོར་མཁན་དང་། གཞན་ཞིག་དེ་དག་བསྡུ་རུག་བྱེད་མཁན་མིན།
ས་གནས་ཀྱི་མི་བུ་སུ་ཞིག་ཡིན་ཡང་འགྲོ་ཞོར་འདུག་ཞོར་ཁོར་ཡུག་སྲུང་སྐྱོབ་དང་། གཙང་སྦྲ་དང་འབྲེལ་བའི་གད་སྙིགས་བསྡུ་རུག་བྱེད་པའི་འགན་ཁུར་ཆ་ཚང་ཡོད། རང་ཡུལ་ནས་རང་ཡུལ་གྱི་མི་བུ་སུ་ཞིག་ཡིན་ཡང་དགོས་ངེས་སྐབས་སུ་ཁོར་སྲུང་དང་། གཙང་སྦྲ་བྱེད་པར་སུ་ཁོམ་སུ་ཆོག་བྱེད་དགོས་པ་ལས་གཞན་ཞིག་ལ་འགན་ཁུར་ཡོད་ཚད་བཀལ་ནས་འདུག་རྒྱུ་མེད། རྒྱུ་མཚན། རང་ཡུལ་ཡིན་པ་འདྲ་འདྲ་དང་། ཁོར་སྲུང་དང་གཙང་སྦྲ་བྱེད་པའི་འགན་ཁུར་གཅིག་མཚུངས་ཡིན་པས་སོ། ། ལྷག་པར་དུ་་ཆེས་ལེགས་པའི་ཁོར་སྲུང་དང་། ཁོར་ཡུག་གཙང་སྦྲ་ནི་དང་པོ་ནས་རང་རང་གིས་རང་ཁྱིམ་དང་རང་ས་ནས་ཐག་གཅོད་བྱེད་རྒྱུ་དེ་ཡིན་པས། སོ་སོའི་ཐུགས་ལ་འཛིན་པར་ཞུ།